Ehsan Jafri
zindagi to qaid hai aur parda-e-mahfil men hai
aarzu husn-e-zamin kei gosha-e-ghafil men hai
DhunDhta hai tu jise vo justuju meri bhi hai
maqsad-e-ahl-e-nazar to ek hi manzil men hai
bandish-e-kaun-o-makan parvaz men haa.il nahin
hasil-e-jahd-o-amal to jazba-e-kamil men hai
zulm kei tarikiyon ko jumbish-e-lab sail-e-nur
bol ki hai vaqt tera jo bhi tere dil men hai
jan-fishani os kei aur miTTi kei talab
kya bujhegi pyaas lekin kuchh nami to dil men hai
Leave a Reply