zindagi naqsh-e-ab hai logo
bulbula hai sarab hai logo
tum jahan se bhi chaho paḌh Daalo
mera chehra kitab hai logo
zahiran sab sukun se rahte hain
sab ko hi iztirab hai logo
unche-unche makan ḳhali ghar
sab ka ḳhana-ḳharab hai logo
is shahar Duube us shahar nikle
ishrat-e-aftab hai logo
meri barbadiyan hi becho tum
kuchh kamao savab hai logo
phir na aana nizam TuTega
aa ke jaoge ḳhvab hai logo
ghar ki dahliz par jalana charagh
daras-e-‘iraj’ ka baab hai logo
Leave a Reply