Dheerendra Singh Faiyaz
zindagi jab qaza se milti hai
haa.e kitni vafa se milti hai
main bhi chup-chap dekhta huun bas
meri aadat ḳhuda se milti hai
mere lab par rakhi ḳhamoshi bhi
shor ki intiha se milti hai
vo miri raah men na aa jaa.e
vo mire rahnuma se milti hai
baiTh jaati hai piiTh de ke mujhe
zindagi is ada se milti hai
shahr par afaten na paḌ jaa.en
aag ja kar hava se milti hai
Leave a Reply