zindagi ik vabal hai sahab
ab to jiina muhal hai sahab
aap jo kuchh kahen vahi sach hai
be-sabab qil-o-qal hai sahab
aap ki be-ruḳhi hamare liye
zindagi ka saval hai sahab
gham-e-duniya ho ya gham-e-uqba
ne.amat-e-la-zaval hai sahab
us ne puchha hai aaj mera mizaj
ab tabi.at bahal hai sahab
ham mohabbat ki baat karte hain
aap ka kya ḳhayal hai sahab
zaḳhm ab kaise ham dikha.en ‘habab’
ek TeḌha saval hai sahab
Leave a Reply