Sufi

Ye Tum Se Kis Ne Kaha Hai Ki Dastan Na Kaho

ye tum se kis ne kaha hai ki dastan na kaho

magar khuda ke liye itna sach yahan na kaho

ye kaisi chhat hai ki shabnam tapak rahi hai yahan

ye asman hai tum us ko saeban na kaho

rah-e-hayat men nakamiyan zaruri hain

ye tajraba hai ise sai-e-raegan na kaho

miri jabin bataegi azmaten us ki

use khuda ke liye sang-e-astan na kaho

yahan muqim hain viraniyan rag-o-pai men

tum aur kuchh bhi kaho us ko shahr-e-jan na kaho

jahan jahan bhi sitam-gar milen zarurat hai

ki us maqam ko tum jada-e-aman na kaho

muashare ka asar to zarur hai ‘alvi’

miri ghazal ko zamane ki dastan na kaho

More Poems

Leave a Comment