Poet
girya-e-shab ki shahadat ke liye jagte hain
ye sitare koi saa.at ke liye jagte hain
ḳhauf aisa hai ki ham band makanon men bhi
sone valon ki hifazat ke liye jagte hain
umr guzri hai tiri sajda-vari men lekin
aaj ham apni ibadat ke liye jagte hain
pahle ham karte hain tasvir men uryan tira ḳhvab
aur phir us ki hifazat ke liye jagte hain
lafz-dar-lafz paḌha karte hain teri surat
rat-bhar teri tilavat ke liye jagte hain
Leave a Reply