chahen hain ye ham bhi ki rahe paak mohabbat
par jis men ye duuri ho vo kya ḳhaak mohabbat
aa ishq agar qasd tijarat hai ki is ja
hain tuuda har ik ghar do sah aflak mohabbat
naseh tu abas si ke na rusva ho ki zalim
rakhta hai gareban se mire chaak mohabbat
apne to liye zahr ki tasir thi is men
go vaste aalam ke ho tiryak mohabbat
bulbul to huun ‘qa.em’ main par us baagh ka jis men
be-rutba hai misl-e-ḳhas-o-ḳhashak mohabbat
Leave a Reply