Zindagani Habab Ki Si Hai

Muneer Ahmad Jami

zindagani habab ki si hai

hast-o-bud apni ḳhvab ki si hai

hai har ik saans ik varaq jaisa

ziist apni kitab ki si hai

un ki mastana ankhḌiyan tauba

koi dukan sharab ki si hai

tishna-kam-e-havas tu kya jaane

are duniya sarab ki si hai

chak-e-zati ka aib bhi hai kamal

kya qaba bhi gulab ki si hai

chheḌ mujh ko ko raz-e-dil sun lo

meri halat rabab ki si hai

hiddat-e-naz-e-gham ma.az-allah

dil ki halat kabab ki si hai

dushman-e-hosh hai shabab ka daur

is men masti sharab ki si hai

kyon na ḳhun-reziyan hon duniya men

aamad ik inqalab ki si hai

ishq men tere talḳhi-e-gham bhi

mujh ko ik shahd-e-nab ki si hai

ziist men marg hai to marg men ziist

halat ik mauj-e-ab ki si hai

sifat-o-zat ek hain dar-asl

nisbat ab-o-habab ki si hai

baḳhshish ahl-e-karam ki ai ‘za.iq’

tabish-e-aftab ki si hai