zikr-e-tufan bhi abas hai mutma.in hai dil mira
naḳhuda tum ho to phir dariya mira sahil mira
rahnuma-e-zindagi hai iztirab-e-dil mira
chal raha hai karvan manzil pas-e-manzil mira
qissa-e-mansur ho ya dastan-e-kohkan
jo fasana dekhiye ik baab hai shamil mira
mil raha hai zindagi ko aaj unvan sahi
munfa.il kyuun ho nasib-e-dushmanan qatil mira
chand zarre ḳhak-e-adam se azal men bach ga.e
fitrat-e-ma.asum ne in se banaya dil mira
afiyat hai meri fitrat ke munafi ai ‘rashid’
varna aaya tha safina janib-e-sahil mira
Leave a Reply