kas bojh se jism tutta hai
itna to kada safar nahin tha
vo chaar qadam ka fasla kya
phir raah se be-khabar nahin tha
lekin ye thakan ye ladkhadahat
ye haal to umr bhar nahin tha
aghaz-e-safar men jab chale the
kab ham ne koi diya jalaya
kab ahd-e-vafa ki baat ki thi
kab ham ne koi fareb khaya
vo shaam vo chandni vo khushbu
manzil ka kise khayal aaya
tu mahv-e-sukhan thi mujh se lekin
main soch ke jaal bun raha tha
mere liye zindagi tadap thi
tere liye gham bhi qahqaha tha
ab tujh se bichhad ke sochta huun
kuchh tu ne kaha thaa! kya kaha tha
Leave a Reply