zehn-o-dil men kuchh na kuchh rishta bhi tha
ai mohabbat main kabhi yakja bhi tha
mujh men ik mausam kabhi aisa na tha
aisa mausam jis men tu mahka bhi tha
tujh se milne kis tarah ham aa.e hain
raste men ḳhuun ka dariya bhi tha
kaj-kulahon par kahan mumkin sitam
haan magar us ne mujhe chaha bhi tha
aaj ḳhud saya-talab hai vaqt se
ye vahi ghar hai ki jo saaya bhi tha
jaane kis sahra-e-gham men kho gaya
haa.e vo aansu ki jo dariya bhi tha
Leave a Reply