aql ki kuchh kam nahin hai rahbari mere liye
har taraf light hai har-su raushni mere liye
ab kahan hai husn men vo dilkashi mere liye
rah ga.i hanDiyan men ḳhali khurchuni mere liye
atish-e-qahr-e-ḳhuda dam bhar men kar deti hai gul
hai miri tar-damani ai ”ar-pi” mere liye
un ke tevar mehrban un ki nigahen multafit
de rahi hai zor puuri parTi mere liye
saikḌon jiine men laale lakhon raḳhne ziist men
kirm-ḳhurda ai ḳhuda ye zindagi mere liye
ahl-e-mahshar le ga.e qahr-o-ghazab sab luuT kar
sirf ik rahmat ḳhuda ki rah ga.i mere liye
dil men rang-o-roghan-e-dahqan ka rahta hai ḳhayal
roz-marra gaanv se aata hai ghi mere liye
jab main janun ḳhidmat-e-ḳhalq-e-ḳhuda karte hain aap
DhunD diije koi aurat shaiḳh-ji mere liye
shukr hai allah ka hindostan men hai qayam
yaan zananon ki nahin hai kuchh kami mere liye
‘shauq’ Tapka paḌ raha hai ru-e-janan se shabab
samne rakkhi hui hai ras-bhari mere liye
Leave a Reply