har ik manzar badalta ja raha hai
ye lamha bhi guzarta ja raha hai
tira ehsas ik muddat se meri
rag-o-pai men utarta ja raha hai
shikayat zindagi se karte karte
vo ik ik lamha marta ja raha hai
paḌa hai jab se tera aks is men
ye a.ina sanvarta ja raha hai
varaq yadon ke kis ne khol Daale
mira kamra mahakta ja raha hai
ye duniya to simaTti ja rahi hai
magar insan bikharta ja raha hai
Leave a Reply