Poet
gul ke hone ki tavaqqo pe jiye baithi hai
har kali jaan ko mutthi men liye baithi hai
kabhi sayyad ka khatka hai kabhi khauf-e-khizan
bulbul ab jaan hatheli pe liye baithi hai
tir-o-shamshir se badh kar hai tiri tirchhi nigah
saikdon ashiqon ka khuun kiye baithi hai
tere rukhsar se tashbih use duun kyunkar
shama to charbi ko ankhon men diye baithi hai
tishna-lab kyuun rahe ai saqi-e-kausar ‘chanda’
ye tire jam-e-mohabbat ko piye baithi hai
Leave a Reply