Athar Shakeel
tauhid dil men ho to labon par rahe ḳhuda
ham yuun jiye to kya jiye be-din be-ḳhuda
lo yuun to ho ga.i hai bahut kam zamir ki
is aḳhiri charagh ko bujhne na de ḳhuda
to rah-e-rast apne karam se dikha mujhe
raste ghalat hazar hain duniya men ai ḳhuda
talib hain bartari ke magar hain amal se duur
ham ko jo kaam karna hai vo kyuun kare ḳhuda
gar zaniyon ko milti nahin hai saza yahan
havva ki beTiyon se kashish chhin le ḳhuda
ab to sukun baḳhsh ki ‘at.har-shakil’ ne
is umr-e-muḳhtasar men bahut dukh sahe ḳhuda
Leave a Reply