vaqt ke chehre pe chaḌhti dhuup ka ghaza laga
kuchh mire rang-e-suḳhan ka is se andaza laga
ek lafz-e-kun amin-e-alam-e-imkan hazar
ek ik lamhe se to sadiyon ka andaza laga
TuuT jaata huun shikasta aa.ine ko dekh kar
jab kabhi ḳhud se mila huun zaḳhm ik taaza laga
ik na ik aaseb chupke se abhi dar aa.ega
band kar ghar ke dariche laakh darvaza laga
sochta kya hai muqaddar azmana shart hai
khul hi ja.ega daricha koi avaza laga
chilchilati dhuup ki nazron ne taaka hai vahin
sabz Tahni par agar ik phuul bhi taaza laga
ijz ejaz-e-suḳhan hai ma.ani-e-ijad-e-fan
qimat-e-arz-e-hunar ka kuchh to andaza laga
Leave a Reply