ab zindagi men hosh ka imkan to gaya
lekin tiri nigah ko pahchan to gaya
ab bhi hai ye ḳhayal kisi tarah dekh luun
maana ki dil se chaah ka arman to gaya
manus-e-gham hi ban ke rahen kyon na dahr men
hasil kabhi ḳhushi ho ye imkan to gaya
ai kaash be-ḳhudi ka bhi anjam dekh luun
dil ki tarah se hosh ka imkan to gaya
achchha hua ki va.ade se inkar kar diya
har-vaqt ka ye haath men qur.an to gaya
us but ki ai ‘munir’ nigahon men sehr tha
go jaan bach ga.i magar iman to gaya
Leave a Reply