Alka Mishra
zehn aur dil men jang jaari thi
jaag kar main ne shab guzari thi
dil gaya to gaya ye jaan bhi ga.i
vo nazar is qadar shikari thi
bas gaya tha ḳhayal-o-ḳhvab men vo
vo ḳhumari bhi kya ḳhumari thi
us ne nazron se paḌh liya hoga
dil men mahfuz razdari thi
jo tire intizar men guzri
ik vahi raat mujh pe bhari thi
apni jaan ka utaar kar sadqa
main ne us ki nazar utari thi
Leave a Reply