zeb us ko ye ashob-e-gada.i nahin deta
dil mashvara-e-nasiya-sa.i nahin deta
kis dhund ki chadar men hai lipTi koi avaz
dastak ke siva kuchh bhi suna.i nahin deta
hai ta-hadd-e-imkan koi basti na bayaban
ankhon men koi ḳhvab dikha.i nahin deta
aalam bhi qafas rang hai aisa ki nazar ko
is dam-e-tahayyur se riha.i nahin deta
yadon ko sula deta hai saa.e men shajar ke
vo hausla-e-dard-e-rasa.i nahin deta
dil us ka hatheli pe hai mere liye lekin
hathon men mire dast-e-hina.i nahin deta
ara.ish-e-jan ke liye kaafi nahin vahshat
mujh ko to koi zaḳhm dikha.i nahin deta
is ishq men kuchh sha.iba-e-hirs bhi hoga
main quvvat-e-batin ki safa.i nahin deta
raushan hai shab-e-hijr ba-andaz-e-ta.alluq
vo mehr-e-nazar dagh-e-juda.i nahin deta
Leave a Reply