Majid Ali Kavish
zarurat be-zarurat bolti hai
jahan daulat ho daulat bolti hai
mohabbat kar-farma hai hamari
tire chehre ki rangat bolti hai
parakhne ka zara sa tajraba ho
har ik shai apni qimat bolti hai
zaban aur aankh donon band rakhna
qabile se qayadat bolti hai
ye hota hai jo himmat haar baiTho
ki baḌh-chaḌh kar musibat bolti hai
chamakna hai to mere saath aa ja
muqaddar se ye mehnat bolti hai
tumhara kab hai jo kuchh hai tumhara
buzurgon ki vasiyyat bolti hai
tumhare paas sab hai main nahin huun
sisakti adamiyat bolti hai
Leave a Reply