Wakil Akhtar
jahalat ka manzar jo rahon men tha
vahi besh-o-kam dars-gahon men tha
jo ḳhanjar-ba-kaf qatl-gahon men tha
vahi vaqt ke sarbarahon men tha
ajab ḳhamushi us ke honTon pe thi
ajab shor us ki nigahon men tha
use is liye maar Daala gaya
ki vo ziist ke ḳhair-ḳhvahon men tha
hamari nazar se vo kal gir gaya
jo kal tak hamari nigahon men tha
vo kya deta ‘aḳhtar’ kisi ko panah
jo ḳhud umr bhar be-panahon men tha
Leave a Reply