Iqbal Khawar
zara badla nahin manzar vahi hai
vahi hai dasht ye lashkar vahi hai
na.i hai kuchh badan men be-qarari
magar kamra vahi bistar vahi hai
vahi vahshat jagati aankh us ki
yahan bhi dil vahi hai sar vahi hai
dhaḌakta kyuun nahin hai is tarah dil
agar ye vo gali hai ghar vahi hai
vahi talḳhi hai din aghaz hote
vahi daftar mira afsar vahi hai
nahin bante vo ḳhadd-o-ḳhal ‘ḳhavar’
vahi hai chaak kuza-gar vahi hai
Leave a Reply