Rahat Hasan
zamin din-rat jal rahi hai
tabhi to sho.ale ugal rahi hai
kalam karte hain log ḳhud se
bhaḌas dil ki nikal rahi hai
abhi se kya faisla karun main
abhi to duniya badal rahi hai
qadam baḌhane ka hai natija
ki barf ab kuchh pighal rahi hai
vahan to mausam hai barishon ka
nadi yahan kyuun ubal rahi hai
tum apna shosha uTha.e rakkho
miri tabi.at bahal rahi hai
jagi hai koi to aas mujh men
jo niind ḳhvabon men Dhal rahi hai
haTa jo malba to main ne jaana
abhi miri saans chal rahi hai
nafas nafas ji raha huun ‘rahat’
gaḌhi gaḌhi maut Tal rahi hai
Leave a Reply