Poet
zamane-bhar men koi bhi vafa-sipas nahin
ḳhuda-shanas bahut hain ada-shanas nahin
miri nazar ka har andaz hai jamal-agin
mire junun ka koi marhala udaas nahin
mire ḳhayal ki ranginiyan hain la-mahdud
ye qaid-o-band shab-o-roz mujh ko raas nahin
kuchh is ada se main khoya gaya mohabbat men
zamana biit gaya hai baja havas nahin
dar-e-jamal pe maz.har sujud kya ma.ani
vaqar-e-ishq shanasa-e-iltimas nahin
Leave a Reply