zamane bhar ka jo saara dukh hai hamara dukh hai
yaqin karo jo tumhara dukh hai hamara dukh hai
ye saari duniya hamare dukh se bhari paḌi hai
ye chand suraj sitara dukh hai hamara dukh hai
tumhari nisbat se hi jo mujh ko mila hua hai
ye hijr bhi kitna pyara dukh hai hamara dukh hai
ye duniya goya hai ek building pe kaam jaari
hai us men shamil jo gaara dukh hai hamara dukh hai
dukhon ka koi bhi isti.ara nahin hai mumkin
dukhon ka har isti.ara dukh hai hamara dukh hai
hamari duniya hai ek dariya ke jaisi ‘ajiz’
vo jis ka har ik kinara dukh hai hamara dukh hai
Leave a Reply