Jo Zamin Par Faragh Rakhte Hain

jo zamin par faragh rakhte hain

asman par dimagh rakhte hain

saaqi bhar bhar unhin ko de hai sharab

jo ki labrez ayagh rakhte hain

tere daghon ki daulat ai gul-ru

ham bhi siine men baagh rakhte hain

hajat-e-shama kya hai turbat par

ham ki dil sa charagh rakhte hain

aap ko ham ne kho diya hai ‘bayan’

aah kis ka suragh rakhte hain

Leave a Comment