Aslam Kolsarii
zalzale ka ḳhauf taari hai dar-o-divar par
jabki main baiTha hua huun kanpte minar par
haan isi raste men hai shahr-e-nigar-e-arzu
aap chalte ja.iye mere lahu ki dhaar par
phir uḌa laa.i hava mujh ko jalane ke liye
zard patte chand sukhi Tahniyan do-char par
ta.ir-e-taḳh.il ka saara badan azad hai
sirf ik patthar paḌa hai shisha-e-minqar par
vaqt ka dariya to in ankhon se Takrata raha
apne hisse men na aaya lamha-e-didar par
saara paani chhagalon se ablon men aa gaya
chilchilati dhuup ke jalte hue israr par
Leave a Reply