hain ab to hile-bahane ke qil-o-qal ke din
bhula ke rakh diye tu ne miri majal ke din
ki dukh ne kucha-e-shab paar kar liya shayad
tulua hone lage is liye malal ke din
har ek lafz pasheman pas-e-ghubar-e-sukut
javab ki vo hon raten ki phir saval ke din
charagh-e-saut-o-sada aaj kuchh munavvar hai
visal-e-shab ke qarin hain mire ghazal ke din
ye intizar ki ghaḌiyan ye shab ka sannaTa
us ek shab men bhare hain hazar saal ke din
Leave a Reply