zaḳhm likkhun ki majra likkhun
yaad aaya hai vo to kya likkhun
hausla zindagi ka kya likkhun
bhuul jaane ka marhala likkhun
shiddat-e-ishq ka taqaza hai
qurbaton ko bhi fasla likkhun
us ki hamrahi ko bayan karun
ya kisi ḳhaak se hava likkhun
dil ki ḳhvahish hai us ke chehre par
apni tanha.i ki dua likkhun
ik diye ki muzahimat dekhun
ya havaon ka faisla likkhun
ḳhvahishon ke hujum ko ‘adil’
us ke raste ka qafila likkhun
Leave a Reply