Nahin Motaqid Jo Tere Did Ka

nahin mo’taqid jo tire diid ka

main divana huun us ki fahmid ka

taalluq kisi se nahin ghair-e-haq

ye aalam hua apni tajrid ka

khayal-e-do-alam hua dil se duur

yahan vaqr kiya jam-e-jamshed ka

ham-aghosh vo mujh se ho ya na ho

divana huun main diid va diid ka

yahan na-muradi hai ain-e-murad

na ho barvar nakhl ummid ka

ye kuche men laila ke majnun na ho

iram men hai goya shajar bed ka

tira sher ‘joshish’ tujhe hai pasand

tu muhtaj hai kis ki taid ka

Leave a Comment