Wo So Raha Hai Khuda Dur Aasmanon Mein

vo so raha hai khuda duur asmanon men

farishte loriyan gaate hain us ke kanon men

zamin pe girte hain kat kat ke sar farishton ke

ajiib zalzala aaya hai asmanon men

sadak pe aa gae sab log bilbilate hue

na jaane kaun makin aa gae makanon men

phate purane badan se kise kharid sakun

saje hain kanch ke paikar badi dukanon men

vahin pighal ke na rah jaae mera sang-e-sada

ki zard zahr ka parda hai is ke kanon men

nikal ke zard charaghon se zahr ka aaseb

pahunch gaya hai mire ghar miri dukanon men

More Poems

Leave a Comment