Dukh Na Sahne Ki Sazaon Mein Ghira Rahta Hai

dukh na sahne kī sazāoñ meñ ghirā rahtā hai

shahr kā shahr duāoñ meñ ghirā rahtā hai

na bulāo to bulātā hī nahīñ hai koī

jis ko dekho vo anāoñ meñ ghirā rahtā hai

koī manzil hai ki duurī meñ chhupī hai kab se

koī rasta hai ki paañv meñ ghirā rahtā hai

dil ko fursat nahīñ miltī kabhī ummīdoñ se

ye sukhī ‘shāz’ gadāoñ meñ ghirā rahtā hai

Leave a Comment