Poet
mire maula tira tohfa hai ye ilham mujhe
arsh se aane lage hain ka.i paigham mujhe
hijr men baiTh ke rona hi nahin mujh par farz
aur bhi karne hain ai dost ka.i kaam mujhe
jaise ik abr chala aa.e barasne ke liye
aise aati hai tiri yaad sar-e-sham mujhe
is liye ishq ki bimari se Darta huun main
ain-mumkin hai ke phir aa.e na aram mujhe
is liye hi to ise main ne banaya tasbih
saans lene men hai asani tira naam mujhe
is ko pahna to ka.i sabz parinde dekhe
ek darvesh ne la kar diya ehram mujh
Leave a Reply