Zakhm Khate Hain Aur Muskuraate Hain Hum

zaḳhm khate hain aur muskurate hain ham

hausla apna ḳhud azmate hain ham

aa laga hai kinare safina magar

shor to adatan hi machate hain ham

ham jo Duben to koi na phir bach sake

aisa sagar men tufan uthate hain ham

chuur kar bhi chuke dil ke shishe ko vo

apni himmat hai phir chot khate hain ham

be-ruḳhi se jo dil tod dete hain ‘josh’

un ke hi pyaar ke giit gaate hain ham

Leave a Comment