Aqeel Abbas
zaḳhm ke honT par luaab us ka
ḳhush bahut hai mujhe ḳhush-ab us ka
us ne uplon pe degchi rakkhi
aur pakne laga shabab us ka
ishq ne phir kisi ko bheja hai
ḳhair-maqdam kare chanab us ka
tujh tamanna men jo ibadat ki
kya tujhe baḳhsh duun savab us ka
qaus par se umuud uThta hua
ya.ani phir jal uTha hai ḳhvab us ka
da.era da.ere ko chhuta hua
aur qausain par hijab us ka
Leave a Reply