raas aaya hai mujhe vahshat men mar jaana mira
vo mujhe roe ye kah kar haae divana mira
ghair ko saaqi ne jab bhar kar diya jam-e-sharab
an.suon se ho gaya labrez paimana mira
mere rone par vo un ka muskurana baar baar
aur balaen le ke vo qadmon pe gir jaana mira
hazrat-e-naseh ki baten main samajhta hi nahin
na samajh hain dil-lagi samjhe hain samjhana mira
ai ‘rasa’ vo bhi sharik-e-mahfil-e-matam hue
khizar bhi marte hain jis par vo hai mar jaana mira