hamen to ab ke bhi aa.i na raas tanha.i
tumhin batao ki hai kis ke paas tanha.i
use bhi ab ke bahut ranj-e-narsa.i hai
khaḌi hai shahr ki sarhad ke paas tanha.i
isi liye to na sahra men hai na basti men
ki ho na jaa.e kahin be-libas tanha.i
tavil hijr ne donon ko yuun ḳharab kiya
ki us ke paas na ab mere paas tanha.i
andheri raat men ankhon men ḳhvab ki surat
kabhi kabhi nazar aa.i udaas tanha.i
Leave a Reply