Ishaq Athar Siddiqui
safar men hain to hamen yaad bam-o-dar ki hai
Thahar ga.e hain to phir aarzu safar ki hai
sukun se baiThne vaalo ye tum ne socha bhi
yahan ye chhanv hai lekin ye kis shajar ki hai
mire liye miri hijrat hi ajr kya kam hai
main chal raha huun ki har raah mere ghar ki hai
hamen bhi hai to ḳhabar dhuup chhanv ki ‘at.har’
ki ham ne bhi to koi zindagi basar ki hai
Leave a Reply