Poet
zaḳhm-e-dil ab phuul ban kar khil gaya
hasil-e-gham aaj mujh ko mil gaya
aaj tak chalta raha jo saath saath
jaane ab vo kaun si manzil gaya
DhunDhti phirti thi jis ko zindagi
maut ke pahlu men soya mil gaya
qatl kar ke mujh ko be-rahmi ke saath
ghar talak rota hua qatil gaya
abla-pa kaun aaya tha idhar
sang-e-rah bhi phuul ban kar khil gaya
Dubne valon se rishta joḌne
duur tak bahta hua sahil gaya
sho.ala-e-jan ka bhaḌakna dekh kar
achchhe-achchhon ka kaleja hil gaya
Leave a Reply