Arshad Mahmood Arshad
zad-e-rah le ke yadon ki tanvir main
gum-shuda raston ka huun rahgir main
us se kah do ki le jaa.e ankhen miri
us ki dil men sanbhalunga tasvir main
gaanv ujḌa hua phir se abad ho
ik haveli karun aisi ta.amir main
koi batla.e bhi kya ḳhata hai miri
kis liye sah raha huun yuun ta.azir main
mujh ko di hai amanat miyan qais ne
ishq teri baḌha.unga tauqir main
mere apne hain shamil saf-e-dushmanan
kaise ‘arshad’ uTha.unga shamshir main
Leave a Reply