zaban mudda.a-ashna chahta huun
dil ab zindagi se ḳhafa chahta huun
ada ko ada-ashna chahta huun
tujhi par tujhe mubtila chahta huun
vafa chahte hain vafa chahta huun
vo kya chahte hain main kya chahta huun
mohabbat ko rusva kiya chahta huun
nazar mahram-e-iltija chahta huun
ta.ayyun gham-e-ishq ka chahta huun
unhen chahta huun ye kya chahta huun
tire dil ko dard-ashna chahta huun
bhala chahta huun bura chahta huun
bahut tang hai vahm-e-hasti ki duniya
main aalam hi ab dusra chahta huun
shab-e-hijr tera tasavvur hi to hai
tujhe aaj tujh se juda chahta huun
miri maut matam ka husn-e-talab hai
sukun ek hangama-za chahta huun
ḳhata DhunDta huun ataon ke qabil
ata chahte hain ḳhata chahta huun
phir us bazm ko DhunDti hain nigahen
phir ik shikva-e-barmala chahta huun
vo fariyad ka ahd phir yaad aaya
phir ik nala-e-na-rasa chahta huun
phir adab-e-furqat hain malhuz yaani
hujum-e-bala-dar-bala chahta huun
phir ik sajda-e-tauba ki aarzu hai
tujhe aap se phir ḳhafa chahta huun
phir ummid-var-e-karam huun ki ‘fani’
sitam-ha-e-shauq-azma chahta huun
koi vaj.h-e-taskin nahin gham na rahat
ḳhuda jaane ‘fani’ main kya chahta huun
Leave a Reply