zaban ka paas hai to qaul sab nibhane hain
agar mukarne pe aa.uun to sau bahane hain
tir-e-nigah ke raste sabhi na.e hain magar
hamare taur-tariqe sabhi para.e hain
na raas aa.i hamen aap ki ada koi
sitam hai us pe ki ham aap ke divane hain
ye kya ki hausla tum ne abhi se haar diya
abhi to vaqt ne kuchh aur gul khilane hain
siyah-rat ki tarikiyan baja lekin
naveli sub.h ke manzar ajab suhane hain
har ik samt balaon ka ik hujum sa hai
tamam hausle ab dil ko azmane hain
naya to kuchh bhi nahin teri dastan men ‘chand’
vahi hain dard ke qisse vahi fasane hain
Leave a Reply