Khursheed Rizvi
yuun to vo shakl kho ga.i gardish-e-mah-o-sal men
phuul hai ik khila hua hashiya-e-ḳhayal men
ab bhi vo ru-e-dil-nashin zard sahi hasin to hai
jaise jabin-e-aftab marhala-e-zaval men
ab bhi vo mere ham-safar hain ravish-e-ḳhayal par
ab vo nasha hai hijr men tha jo kabhi visal men
un ke ḳhiram-e-naz ko bu-gul-o-saba kaha
ham ne misal di magar rang na tha misal men
ahl-e-sitam ke dil men hai kya mire karb ka hisab
un ko ḳhabar nahin ki main mast huun apne haal men
kaisa pahaḌ ho gaya vaqt guzarna mujhe
zaḳhm pe jam ga.i nazar ḳhvahish-e-indimal men
tu ne mire ḳhamir men kitne tazad rakh diye
maut miri hayat men naqs mire kamal men
Leave a Reply