Poet
hamari baat unhen itni nagavar lagi
gulon ki baat chhiḌi aur un ko ḳhaar lagi
bahut sambhal ke ham ne rakhe the paanv magar
jahan the zaḳhm vahin choT bar-bar lagi
qadam qadam pe hidayat mili safar men hamen
qadam qadam pe hamen zindagi udhar lagi
nahin thi qadr kabhi meri hasraton ki use
ye aur baat ki ab vo bhi be-qarar lagi
madad ka haath nahin ek bhi baḌha tha magar
ajiib daur ki bas bhiiḌ be-shumar lagi
Leave a Reply