Poet
yuun to vo mujh se siva mera bhala chahta hai
jaane kyuun chahta hai mujh se vo kya chahta hai
sal-ha-sal se main to safar-e-ḳhvab men huun
vahi nadan hai ki ta.abir-e-vafa chahta hai
hijr ki raat men bhi dard ke ashob men bhi
dil use chahta rahta hai sada chahta hai
kis tarah se dil-e-vahshi ko bhala samjha.un
vo to har daam juda rang juda chahta hai
na-tarashida basarat bhi basirat Thahri
ye na hona tha magar ye bhi hua chahta hai
us ko dushman bhi kahun us se adavat bhi rakhun
us se main pyaar karun dil to baḌa chahta hai
Leave a Reply