yuun to hanste hue laḌkon ko bhi gham hota hai
kachchi umron men magar tajraba kam hota hai
cigareten chaa.e dhuan raat ga.e tak bahsen
aur koi phuul sa anchal kahin nam hota hai
is tarah roz ham ik ḳhat use likh dete hain
ki na kaghaz na siyahi na qalam hota hai
ek ek lafz tumhara tumhen ma.alum nahin
vaqt ke khurdure kaghaz par raqam hota hai
vaqt har zulm tumhara tumhen lauTa dega
vaqt ke paas kahan rahm-o-karam hota hai
fasla izzat o rusva.i men ‘vali’-sahab
sunte aa.e hain ki bas chand qadam hota hai
Leave a Reply