Sattar Syed
yuun ehtimam-e-radd-e-sahar kar diya gaya
har raushni ko shahr-badar kar diya gaya
apne gharon ke sukh se bhi ru-kash dikha.i den
logon ko mubtala-e-safar kar diya gaya
jiina har ek ke liye mumkin nahin raha
jiine ko ek kar-e-hunar kar diya gaya
chehron se rang haath se a.ine chhin kar
be-chehragi ko raḳht-e-nazar kar diya gaya
ab jism-o-jan pe haqq-e-tasarruf talab kare
zalim ko is qadar to niDar kar diya gaya
darpai the har shajar ke ta.affun-shi.ar log
mahrum ḳhushbuon se nagar kar diya gaya
vo qaht-e-gham paḌa hai ki ik Tiis ke liye
ahl-e-karam ka dast-e-nigar kar diya gaya
Leave a Reply