Poet
yuun baat kisi ki ham kab yaar uThate hain
dil tum ko diya is se lachar uThate hain
ham matlab-e-dil chahen gardun se ye kya mumkin
azad-manash us ke kab aar uThate hain
bahkane se ghairon ke kya kiije ilaaj is ka
har baat men vo mujh se takrar uThate hain
munh kya hai falak tera koh-e-gham-e-hijran ka
ye hazrat-e-dil hi hain jo baar uThate hain
ham tufta-jigar zalim hai kuchh bhi ḳhabar tujh ko
ulfat men tiri kya kya azar uThate hain
ik jumbish-e-abru hi ushshaq ko kaafi hai
kyuun qatl ko vo un ke talvar uThate hain
kuchh ‘aish’ suna tu ne us bazm men ashiq par
tufan na.e kya kya aghyar uThate hain
Leave a Reply