Ye Zindagani Kisi Ki Yaadon Se Muttasil Hai

ye zindagani kisi ki yadon se muttasil hai

so us ke jaane pe dil mira mujh se mushtail hai

ḳhususi baten jo shairi ki hain ek un men

ye ḳhuun piiti hai aur piiti bhi mustaqil hai

hamara har din kitab ka ek baab hai aur

kitab vahshat ki dastanon pe mushtamil hai

hai ek ḳhvahish ki bahte paani men jo hai muzmar

hai ek hasrat ki jo kinaron se munfasil hai

kisi ne sab ka nasib likkha hai aur ‘ajiz’

hamari qismat men shairi hai jo jan-gusil hai

Leave a Comment