Ye Wo Aansu Hain Jin Se Zohra Aatishnak Ho Jawe

ye vo aansu hain jin se zohra atishnak ho jaave

agar piive koi un ko to jal kar khaak ho jaave

na ja gulshan men bulbul ko khajil mat kar ki Darta huun

ye daman dekh kar gul ka gareban chaak ho jaave

gunahgaron ko hai ummid is ashk-e-nidamat se

ki daman shayad is ab-e-ravan se paak ho jaave

ajab kya hai tiri khushki ki shamat se jo tu zahid

nahal-e-tak bithlave to vo misvak ho jaave

dua maston ki kahte hain ‘yaqin’ tasir rakhti hai

ilahi sabza jitna hai jahan men taak ho jaave

Leave a Comment